ماجدة اليحياوي: قصيدة الوردة / للشيخ محمد بن سليمان
HTML-код
- Опубликовано: 4 окт 2024
- قصيدة الوردة / للشيخ محمد بن سليمان
الخماسة :
لَا اتْلومُونِي فِي ذَا الحَالْ جِيتْ نَشْهَدْ وَانْوَدِّي * أَ عْدُولِي فَالمُوتْ اسْبَابِي خَالْ فْوَرْدَة
القسم الأول:
آهْ مَنْ رَشْكاتْ نْبَالْ القْوَاسْ وَالحَاجَبْ صَرْدِي * مَنْ يَدّْ رَامِي دَكتْ نَشّابِي جَاتْ مْجَهْدَا
كـُلّْ قُوسْ مْطـَلـَّعْ شَدّْ لوتَارْ مَنْصُوبْ القَصْدِي * عْلَاشْ مَا نَشكِي طالْ اعْذَابِي هَذِي مُدَّا
هَكذَا رَانِي فِي حَالْ الغْرَامْ يَتّْصَرَّفْ وَعْدِي * يَا اطـْبِيبِي فَالضَّرّْ احْسَابِي رَاهْ اتْعَدَّا
لَا ادْوَى مَنْ غِيرْ التّقبِيلْ أو لمْصَالْ الشّهْدِي * رَادْ وَعْمَلْ فَالكاسْ اشْرَابِي جَاتْ المُودَّا
القسم الثاني:
فَاتْحَة فِي غُصْنْ سْمَا فِي رْيَاضْ عَالِي مَنْ سَعْدِي * زَانْهَا رَشّْ الخَالْ غْرَابِي مَنْ غِيرْ انْدَا
صَانْهَا وَحْضَاهَا ضَلّْ الشّفَارْ بَاللحْظ الهَنْدِي * كِيفْ جَبْتْ إِيمَايَرْ تُوصَابِي فِي مَا نَبْدَا
فَاشْ جَانِي جَرْحِي وَنَا المَالْ وَارْقَبْتِي نَهْدِي * لِينْ نَتّهَرَّبْ عَنْ مَكتَابِي مَا يْلِي صَدَّا
غِيرْ جِيتْ انْبَرِّي فَالرُّوحْ قْبَلْ تَخْرَجْ مَنْ جَسْدِي * خَفْتْ نَاسِي تَلقَى طلّابِي تَبْغِي لفْدَا
القسم الثالث:
هَاجْ وَجْدِي وَفْرَغْ جَهْدِي قْلَايْدِي زَادُه سَهْدِي * طالتْ عْلِيَ يَا تَشْغَابِي هَاذْ الفَقْدَا
كالحْمَامْ الفَرْدِي شَلّا تْغَارْدِي وَنَا وَحْدِي * بَالمْحَبَّة جَنْحَانِي رَابِي قُلـُوا عَمْدَا
بَعْدْ صَهْدِي ثَلجِي بَرْدِي اتْنَاهْدِي تَحْيِي نَشْدِي * وَالهْوَى سَدّْ عْلِيَ بَابِي مَا صَبْتْ افْدَا
دُونْ غَرْضِي جِيتُه مَهْدِي صْغِيرْ لَازَلتْ فْجَهْـدِي * دْرَسْنِي مِيرْ دْرِيسْ عْرَابِي هَازَمْ لعْدَا
القسم الرابع:
لِمْتَى يَسْعَدْنِي رِيحْ لوصَالْ نَنْشَرْ لـُه بَنْدِي * لِمْتَى يَهْزَمْ مِيرْ اتْرَابِي جَنْدْ النَّكدَا
يَا تْرَى يَتْجَرَّدْ بَرْقْ السّْرُورْ وِيزَكلمْ رَعْدِي * عْلى الزّْهُو يَنْزَلْ مَطرْ سْحَابِي فُوقْ البِيدَا
بِينْ دِيدِي وَالهَنْدِي فِي بْطايْحِي نَجْنِي وَرْدِي * إِيعُودْ نَحْلِي يَرْعَى فَخْصَابِي بَعْدْ الرَّكدَا
الهْوَى يَا مَنْ لَا هَزُّه غْرَامْ يَتْمِيدْ الـْرَمْدِي * سِيرْتِي مَغْلـُوبْ الغَلّابِي صَبْرِي عَدَّا
القسم الخامس:
عَنْدْ ضَرْبِي نَتْخَيَّرْ فَالجْحُودْ وَانْخَرَّجْ وَنْدِي * وَالتّْمَامْ انْعَدَّلْ تَزْرَابِي صُورْ الـَّعْدَا
أَ الـْحَافَظ إِلى سَالـُوكْ قـُلْ هَذِي مَنْ عَنْدِي * مَنْ دْعَى لَا يَبْطا فَجْوَابِي وَلَابُدَّا
دَاوْدِي زَرْدِي عَنْ زَنْدِي فَالعْدَا ثَارِي نَفْدِي * بَنْسْلِيمَانْ اسْمِي فَخْطابِي عَسْلْ الشَّهْدَا
وَالنّْسَبْ فَاسِي مَنْ عَرْبْ الحْكازْ مَتْيَصَّلْ جَدِّي * يَا ارْحِيمْ الرَّحْمَة عَنْ آبِي حُسْنْ الوَلدَا
مَنْسْجِي عَشَّاقِي وَأهْلْ الهْوَى يْشَهْدُوا مَنْ بَعْدِي * وَالسّْلَامْ عْلِيهُمْ فَكتَابِي مَنْ طِيبْ اشْذَا
يَا المُولى كـُنْ امْعَايَا أونِيسْ فِي غُمَّتْ لحْدِي * يُومْ نَاخُذْ شَبْرِي فَتْرَابِي كـُنْ لِي سَنْدَا .
تحية كبيرة الفنانة ماجدة اليحياوي من الفنانات الملحون وتراث المغرب بتوفيق والمزيد من العطاء شكرآ ❤❤❤❤
أداء رائع كما عودتنا الفنانة ماجدة اليحياوي بقوة صوتها ..👍💐
الله على غناء الروعة اللله احفضك للتراث المغربي للا ماجدة
ماجدة اليحيا وي فنانة رائعة
Sublime lalla Majda yahyaoui une voix unique
من وزان الخضراء أقول لك أنت فنانة أصيلة نتمنى لك التوفيق...
الله يعطيك الصحة جبتي لينا لطفي بوشناق
السلام عليكم ورحمة الله وبركاته أختي ماجدة اليحياوي دائما كالعادة اداء أكثر من رائع وقفة احترافية ماشاء الله عليك...متمنياتي لك بالثوفيق والمزيد من العطاء والتألق
مزيدا من التألق
👍👍👍👍👍👍👍
الملكة ❤🤍
تبارك الله ماشاء الله اداء صوت زاءد النخوة ياسلام
La meilleure
للا ماجدة كنتمنى منك تغني قصايد الملحون لي باقي متغناوش أن تدافعي على هذا الفن من السرقة
Très agréablement surprise de vous revoir et entendre
On vous a mise à l écart,certe.Le temps de la médiocrité est la, malheureusement.Jamais personne n est arrivé à votre
cheville,artiste complète .Je vous salue ❤
Merci pour ce beau témoignage. Ça me va droit au cœur ❤️
@@majdaelyahyaoui والله صقلت اذاننا وهذبت اذواقنا باسلوبك الراقي ووالله كل ما اتى بعدك استاذتي دنيء واصبح المحب للجودة منا يتيما لا يجد نفسه ،فلك الله يا اصالة في زمن الانحطاط
هناك حفاض ومؤدين للغناء لاكن ليسوا كلهم مطربين
الله ياخذ حقك